Hola,
auso....nachere eher lange Reise semmer den geschter Obe aendlech in antigua acho. Leider esch eus niemer cho abhole am Flughafe....und denn het de Taxichauffeur eusi adresse ned gwoesst....und denn het mini (jeanette) familie kei platz meh gha. Aber es het sech denn alles zum beschte gwaendet. i be jetz be de familie vom roger und mer teile es doppelzimmer. da esch gar ned so schlaecht. eusi familie esch mega lieb und sehr hilfsbereit. mer wohne no met 3 andere studente i dere familie.
Antigua esch en mega impossanti stadt. ebe ganz andersch als i de schwiiz....aber guet. mer hend scho de 2 tag schule hender ues. esch mega herusfordernd und astraengend. aber eusi lehrerinne send sehr nett.
So i glaube das escdh sowit alles zum verzelle.....hend no ned meh erlaebt. hebet sorg und bes bald weder
beso Jeanette und Roger
Abonnieren
Kommentare zum Post (Atom)
4 Kommentare:
Liebi Jeanette, Liebe Roger
Schön, vo öich z ghöre. Öichi Gschecht chonnt mer sehr bekannt vor. Obwohl, dass es scho zemli lang här esch, set mer z Australie gsi send, hani s Gfüehl, als wärs geschter gsi. I han jo au mini Familie müesse wächsle, ond ben denn schlussendli bem Örni ede Familie gsi. Aber es het au vieli Vorteil eso, ond mer händ glich vel Englisch gredt ond vel glehrt. I wönsche öich ganz en gueti, lehrrichi Zit witerhin ond bes es anders Mol.
Jeanette, mer send am Samschtig am Bagatello Konzert gsi. Leider beni echli enttüscht gsi. Einersits esch es eifach z nöch gsi nach Divertimento; eso het mer automatisch vergliche, ond es esch eifach öppis ganz anders. Ond anderersits het mi das Programm ned eso zo de Socke usghaue. Die 2. Halbzit esch denn wörkli luschtiger ond spannender gsi, die 1. esch ächt trocke gsi. Ond denn esch eine (mer händ aber ned usegfonde, wär), gsondheitlech total agschlage gsi, drom händs scho spöter agfange, länger Pause gmacht, ond die 2. Zuegab nömme chönne mache. Jo, esch e betz schad gsi. Esch halt letscht Johr scho u luschtig ond speziell gsi, grad well Du no of der Bühni gsi besch. Du hesch gfehlt, Jeanette.
Öbrigens, mer warte witerhin of de Schnee. Ede Alpe hets weder rächt Neuschnee ghe. Am Mettwoch gömmer es Wallis go luege, wievel, dass es het. Mer gönd 4 Täg go langlöifle. Ou, Jeanette, eigentli dörfti dech jo ned eso gloschtig mache met em Schnee. :-)
Also, hebet öich Sorg.
En ganz en liebe Gruess
Arlette
P.S. Au en liebe Gruess vom Örni
Liebe Roger
Ganz härzlechi Gratulation zo Dim Gebortstag. Mer wönsche Der aues, Gueti, e gueti Gsondheit ond vel Fröid ond Schöns die nöchschte 30 Johr. Gnüss Din Tag ond hebs guet.
E liebe Gruess
Arlette & Örni
Felize cumpleaño!!! :-D
Espero que tienes una grande fiesta!!
Hey tschou zäme
Da esch rächt wenders Guet händ,magech gönne. A d`Mogge wärde der euch scho gwöhne ond sösch mueschhaut en rächte Stompe azönde:).
Aute i gratulierder no rächt härzlrch zom Gebortstag ond wönschder aues Gueti. Mer nänd haut de spöter weder mou eis zäme :-).
Da met de Outonommere klappet de, i chasi am Donschtig go abgeh.
Sösch esch noaus bem aute be eus(der send jo ou ersch en Woche wäg :))
So jetz wönschi euch en schöni ziit ond of baud.
Gruess Pöscho
PS: En liebe Gruess vo de Barbara
Kommentar veröffentlichen